Górgola Brut Nature

Cabana das Bolboretas formouse como proxecto novo nas Rías Baixas, no Val do Salnés, a partir dun viñedo familiar en Barro. Con Gorgola puxeron burbullas ás cepas de albariño. Nova elaboración e continuidade xeracional.

Os viños espumantes atopan bos aliados na calidade das variedades de uva galegas e na nosa condición atlántica. A experiencia, aínda breve, irá achegando avances, como xa se ve neste viño. Faise co método tradicional ou “champenoise”, o utilizado na afamada zona francesa de espumantes, Champagne. Provócase unha segunda fermentación do viño dentro dunha botella reforzada, e xenera de xeito natural as frescas e características burbullas de carbónico.

A calidade sube co tempo de crianza en rima, mínimo de 9 meses. Este brut tivo máis de 26 meses de crianza. Hai calidade.

• DENOMINACIÓN DE ORIXE: D.O. RÍAS BAIXAS
• ANO: 2016
• ADEGA: CABANA DAS BOLBORETAS, S.L.
• CONCELLO: BARRO
• VARIEDADE DE UVA: ALBARIÑO
• GRAO ALCÓLICO: 12.5%
• ELABORACIÓN: MÉTODO TRADICIONAL. CRIANZA EN RIMA DE 26 MESES. DEGOLADO NA OUTONO DE 2019. BRUT